Inselelo kwi-KZNA ngabesifundazwe kwi-World Championships

OBEYIPHINI likamengameli weKwaZulu-Natal Athletics (KZNA), uMandla Mngomezulu, ukholwa wukuthi ukumelwa ngumgijimi oyedwa kuphela kweKwaZulu-Natal kwi-World Athletics Championships kuyinselelo yokuthi kusafuneka kubhukulwe kuthuthukiswe ezokugijima esifundazweni. 

UMngomezulu uxoxwe neSolezwe ngemuva kokuba i-Athletics South Africa (ASA) imemezele iqembu labagijimi abangu-49 elizomela iNingizimu Afrika emqhudelwaneni i-World Athletics Championships ozobanjelwa eTokyo, eJapan, ngoSepthemba 13-21.

Kuleli qembu elibophele abagijimi abangu-32 besilisa nabangu-17 besifazane elizomela elakuleli kulo mqhudelwano, iKZN Athletics imelwe ngabagijimi abathathu kuphela, okunguZakithi Nene, Prudence Sekgodiso noTshepo Tshite. 

Nakuba uSekgodiso noTshite begijimela iKZN Athletics, kodwa ababona abokudabuka kulesi sifundazwe njengoba uSekgodiso engowokudabuka eMedingen, eLimpopo, uTshite edabuka eMoruleng, eNorth West. 

UNene (28) nguyena odabuka kulesi sifundazwe njengoba edabuka eMnambithi.

“Kuyinto engehli kahle ukuthi sibe noqhwasha womgijimi oyedwa ozomela isifundazwe sethu iKwaZulu-Natal kwiWorld Championships, ekubeni siyisifundazwe esikhulu kangaka futhi esinethalente eliningi labagijimi. 

Lokhu okusho khona ukuthi kukhona lapho kufanale sibhukule khona ukwenza ngcono lesi simo esingesihle ngezinga lezokugijima esifundazweni sethu.

Iqiniso wukuthi sinalo ithalente liningi, ngakho akufanele ngabe simelwe ngumgijimi oyedwa kuphela uZakithi Nene kwiWorld Championship,” kusho uMngomezulu.

Uthe inselelo enkulu kulesi sifundazwe wukungabi nazo izinhlelo ezicacile kweKZN Athletics zokuthuthukisa ezokugijima emazingeni aphansi nasezikoleni. 

“Siyadinga ukuba nama-academy, nezikole zokugijima. Lapha KwaZulu-Natal asinazo izikole zokugijima njengakwezinye izifundazwe ezinjengeGauteng ezinezikole zokugijima. 

IKZN Athletics kudingeka igxile kakhulu ezinhlelweni zokuthuthukisa ezokugijima emazingeni aphansi nasezikoleni, okuyisona sisekelo ekucijeni abagijimi abazokwazi ukusimela emiqhudelwaneni emikhulu. Nokho, asethembe ukuthi uma singakwazi ukulungisa izinkinga esinazo esifundazweni, singakwazi ukuba nabagijimi abazosimela kuma-Olympic Games ngo-2028,” kuqhuba uMngomezulu. 

Ngaphandle kukaNene, Sekgodiso noTshite, uMzansi ugabe ngezinye izibabuli zabagijimi okubalwa kubo uBayanda Walaza no-Akani Simbine ku-100m, uWayde Van Niekerk ku-200m no-Elroy Gelant kwi-marathon. 

IQEMBU elizomela iNingizimu Afrika kwiWorld Athletics Championships:

ABESIFAZANE

400m: Shirley Nekhubui (CGA), Miranda Charlene Coetzee (ANWN)

800m: Prudence Sekgodiso (KZNA), Charne du Plessis (Swart) (AGN)

100m hurdles: Marione Fourie (AGN)

400m hurdles: Zenéy van der Walt (AGN), Rogail Joseph (BOLA)

Pole Vault: Miré Reinstorf (BOLA)

Long Jump: Danielle Nolte (AGN)

Shot Put: Ashley Erasmus (AMPU), Miné de Klerk (AFS), Colette Uys (AGN)

Javelin Throw: Jo-Ane du Plessis (BOLA)

35km Race Walk: Jessica Groenewalt (ACNW)

4x400m Mixed Relay: Marlie Viljoen (AGN), Precious Molepo (CGA), Hannah van Niekerk (AGN)

ABESILISA

100m: Akani Simbine (CGA), Bayanda Walaza (AGN), Gift Leotlela (AGN)

200m: Sinesipho Dambile (AGN), Naeem Jack (WPA), Wayde van Niekerk (WPA)

400m: Zakithi Nene (KZNA), Lythe Pillay (CGA)

1500m: Tshepo Tshite (KZNA), Ryan Mphahlele (CGA)

10 000m: Adriaan Wildschutt (WPA)

Marathon: Elroy Gelant (ACNW)

110m hurdles: Mondray Barnard (EPA), Antonio Alkana (WPA), John Adesola (AGN)

400m hurdles: Sabelo Dhlamini (CGA)

Pole Vault: Kyle Rademeyer (BOLA)

High Jump: Brian Raats (ACNW)

Long Jump: Cheswill Johnson (CGA)

Shot Put: Aiden Smith (CGA), Chris van Niekerk (AFS)

Discus Throw: Victor Hogan (BOLA)

Javelin Throw: Douw Smit (ACNW)

20km Race Walk: Wayne Snyman (KZNA)

4x100m Relay: Bradley Nkoana (ACNW), Retshidisitswe Mlenga (CGA), Abdurahman Karriem (CGA), Shaun Maswanganyi (AGN)

4x400m Mixed Relay: Udeme Okon (CGA), Gardeo Isaacs (WPA), Leendert Koekemoer (CGA), Mthi Mthimkulu (AFS)