USteyn uhlakaze irekhodi leminyaka enqoba iTwo Oceans
UGERDA Steyn eshaya intambo kwiTotalSports Two Oceans Marathon eKapa ngeSonto Isithombe: FACEBOOK
UGERDA Steyn uqhubekile nokuziveza ukuthi kungani eyinsephe yezokugijima amabanga amade kuleli , ephula irekhodi leminyaka engaphezulu kuka-30 enqoba iTotalSports Two Oceans 56km Ultra Marathon, eKapa ngeSonto ekuseni.
Le nsephe igqashule intambo ngesikhathi esingu-3:29:42, ephula irekhodi likaFirth van der Merwe lika-3.30.36 alibeka ngo-1989.
Ngaphezulu kokushaya irekhodi elisha uSteyn ubesewunqoba okwesithathu kulandelana lo mjaho kwabesifazane.
Lo mjaho ongeminye yemikhulukazi kuleli ububuya okokuqala ngemuva kokuma iminyaka emibili ngenxa yeCovid-19.
Indawo yesibili ithathwe omunye umgijimi wakuleli owenza kahle emijahweni, u-Evertte van Zyl oke wahamba phambili ngaphambi kokuthi uSteyn enze adume ngazo.
Kwabesilisa kunqobe u-Ednadale Belachwe wase-Ethiopia, ohlule uNkosikhona Mhlakwana wakuleli sekubhekwe entanjeni. Umpetha wango-2019, uBongmusa Mthembu ungene endaweni yesine.