IMitsubishi Outlander yekhethelo yokugubha iminyaka engu-25 selokhu yaqala ukwakhiwa
Image: Sithunyelwe
IMOTO: MITSUBISHI OUTLANDER EDITION 25
BAGUBHA iminyaka engu-25 ye-Outlander ngesitayela kwaMitsubishi njengoba bethule eyekhethelo i-Edition 25.
Ngendlela okungeyekhethelo ngayo benze ezingu-10 kuphela.
Le SUV yaqala ukwethulwa ngo-2001 ngaleso sikhathi isabizwa nge-Airtrek.
ULerato Nonyane oyiGeneral Manager: Product & Marketing kwaMitsubishi Motors South Africa (MMSA), uthe i-Outlander isezimotweni zabo ezithandwayo. Uthe i-Edition 25 igubha leyo mpumelelo.
Ngaphandle i-Outlander Edition 25 bayishintshe lapha nalaphaya ukuze ihluke.
Bayishintshe i-grille ngaphambili kanjalo ne-skid guard ngezansi.
IMitsubishi Outlander yekhethelo iqoshwe u-Edition 25 ukukhombisa ukuthi ngeyokugubha iminyaka engu-25
Image: Sithunyelwe
Ngemuva bafake umbala ozothile emalambini baphinde bashintsha ne-skid plate.
Iphinde ibe namarimu ahlukile angu-20-inch futhi ubuhle bengezwa yi-panoramic sunroof.
Ngaphakathi wonke amalambu bawenze aba ngama-LED. Izihlalo ziyisikhumba futhi esomshayeli sihlelwa ngogesi.
Ngaphambili kune-Display Audio system engu-12.3 inch okwazi ukuxhuma kuyo iselula nge-Apple CarPlay ne-Android Auto futhi inenkombandlela. Uma ushaja iselula bashintshe izimbobo ze-USB zaba wuType-C futhi kunendawo yokushaja ngaphandle kwentambo.
Umculo uzwakala ezipikheni zeYamaha eziyisikhombisa.
Ingaphambili futhi balenze kabusha lapho ubeka khona isiphuzo, baphinde banyusa isikhala endaweni yokubeka impahla.
Ngaphansi kwebhonethi injini abayishintshanga. Kuseyileyo engu-2.5 litre, four-cylinder kaphethroli enamandla angu-135kW ne-torque engu-245Nm. Idonsa ngawo wonke amasondo ngo-gearbox oyi-8 speed CVT.
Intengo:
Mitsubishi Outlander Edition 25 – R819 995
Ifika ne-warranty yeminyaka emithathu noma u-100 000, i-service plan yeminyaka emihlanu