Ukwehla kwesasasa leCorolla kwenze kwaToyota babuyekeza uhla lwawo
KwaToyota sebeshiye inhlobo eyodwa kwi-Corolla sedan ne-hatchback ngokwahlukana
Image: Sithunyelwe
UKWEHLA kokuthengwa kweCorolla sedan ne-hatchback kwenze kwaToyota South Africa Motors babuyekeza uhla lwezinhlobo abazidayisayo.
ICorolla yimoto enomlando njengoba kudayiswe angaphezu kuka-50 million kusuka yethulwa emhlabeni jikelele.
Ukuthandwa kwayo kwenza ukuthi eNingizimu Afrika kwethulwe eyi-hatchback engabanga nedumela kangako.
Kuthe ngo-2021 uma kwethulwa iCorolla Cross, labuya udumo lweCorolla njengoba manje sekuyiyona SUV edayisa kakhulu eNingizimu Afrika.
KwaToyota sebethathe isinqumo sokushiya inhlobo eyodwa yeCorolla eyi-sedan nakwi-hatchback futhi zombili zingama-hybrid, ayisekho ehamba ngophethroli kuphela.
Bashiye i-1.8 hybrid electric vehicle eyi-XR nokuyiyona esesicongweni somndeni.
Injini inamandla angu-126kW futhi kuphethroli bathi idla amalitha angu-3.9 kwi-sedan no-4.0 ngo-100km kwi-hatchback.
Phakathi kwezinto ezifika nazo kubalwa amalambu angamaBi-LED ngaphambili, amarimu angu-16 inch kwi-sedan no-18 inch kwi-hatchback, izihlalo ezinesikhumba nokunye.
ISedan ibiza uR584 400 kuthi i-hatchback ibe ngu-R595 100.
I-GR Corolla enenjini engu-1.6l kaphethroli basayigcinile futhi ibiza uR1 010 700