Sinyuke ngo-147% isibalo sokuthengwa kwezakwa-Omoda & Jaecoo South Africa
BAYAZIQHENYA ngokunyuka kwesibalo sezimoto abazidayisile kuleli ngo-2025 kwa-Omoda & Jaecoo South Africa
Image: Sithunyelwe
UKUNYUKA kwesibalo sokuthengwa kwezimoto zabo ngo-147% ngo-2025, kwa-Omoda & Jaecoo South Africa, bakubona njengokwethenjwa ngamakhasimende abo.
Ngo-2024, kwa-Omoda & Jaecoo South Africa badayise izimoto ezingu-5 097. Nyakenye isibalo sinyukele ku-12 597.
Imenenja yakwa-Omoda & Jaecoo South Africa, uHans Greyling, ithe lokhu kukhula kukhombisa ukuthi siyanda isibalo sabantu abazi ngabo, amakhasimende ayabathemba futhi ukulangazelela izimoto zabo kuphezulu.
“Ukwengeza izimoto ezimbili ezintsha njengeJ5 neC7 kuphinde kwaqinisa esikunika amakhasimende futhi ukwethula izinhlobo ezingama-hybrid nama plug-in hybrid kwenze savuleleka kwabaningi.”
I-C5 iyona moto ethandwa kakhulu njengoba sekudayiswe angu-11 738 kusuka ngo-2024. I-J5 eyethulwe ngo-Agasti yona sekudayiswe angu-1 062.
Nonyaka bahlela ukwethula iC5 neJ5 hybrid.