Uqhubekile umgqigqo wokuthengwa kwezimoto ngoJanuwari kunyuka izibalo

KUQALE ngamandla ukudayiswa kwezimoto ezintsha ngoJanuwari njengoba izibalo zinyukile uma kuqhathaniswa nenyanga efanayo ngo-2025, ngokusho kwe-naamsa.

Izibalo eziphezulu okusongwe ngazo unyaka odlule ziqhubekile njengoba kudayiswe izimoto ezingu-50 073. Lesi yisibalo esinyuke ngo-3 479 noma u-7.5% uma kuqhathaniswa no-46 594 owadayiswa ngoJanuwari nyakenye.

Nesibalo sezimoto ezidayiswe ngaphandle sinyukile, kodwa kancane, njengoba zibe ngu-24 568. NgoJanuwari ngonyaka odlule zazingu-24 432 okusho ukunyuka ngo-136 noma u-0.6%.

Kuzona zonke izimoto ezingu-50 073 ezidayisiwe, ezingu-42 753 noma u-85,4% zithengwe emagaraji, u-10.9% udayiselwe izinkampani eziqashisa ngezimoto, u-2.1% kube ngowezinkampani kwathi u-1.6% wathengwa wuhulumeni.

Izinkampani ezidayise kakhulu yilezi:

1.Toyota - 11 786

2. Suzuki Auto - 6 410

3. Volkswagen Group SA - 4 774

4. Hyundai Automotive South Africa - 3 048

5. Ford Motor Company - 2 678

6. GWM SA - 2 521

7. Chery Auto South Africa - 2 258

8. Kia South Africa - 1 888

9. Mahindra - 1 671

10. Isuzu Motors South Africa - 1 606

11. Jetour South Africa - 1 550

12. Renault - 1 415

13. Omoda and Jaecoo South Africa - 1 413

14. Nissan - 1 133

15. BMW Group - 1 094