NG IKia isethubeni lomlando ngesicoco semoto yonyaka

IKIA isethubeni lokuzifaka emabhukwini omlando ngokudla isicoco seWorld Car of the Year amahlandla amathathu kulandelana njengoba imelwe yizimoto ezimbili emncintiswaneni wanonyaka.

Ngonyaka odlule le nkampani yanqoba nge-EV3 eyayilandela i-EV9 ngo-2024.

Isikhulu sakwaKia eNingizimu Afrika uPaul Turnbull sathi kungenzeka bethule lezi zimoto kuleli nonyaka.

Bekungokwesithathu iKia iwina isicoco semoto yonyaka njengoba ngo-2020 yasithatha ngeTelluride.

Ngo-2026 izobe imelwe yi-EV4 ne-EV5.

Amajaji alo mncintiswano yizintatheli zezimoto ezingaphezulu kuka-90 ezivela emazweni ahlukene angu-30.

Enqobile izomenyezelwa embukisweni iNew York International Auto Show ngo-Ephreli.

Sezizonke ezisembangweni wesicoco yilezi: 

• Audi Q5 / SQ5
• BMW iX3
• BYD Seal 6 DM-i
• Hyundai Ioniq 9
• Hyundai Palisade
• Kia EV4
• Kia EV5
• Mercedes-Benz CLA
• Nissan Leaf
• Toyota RAV4