Kuphele ukuqagela ngezibanga isicoco se-2026 SA Car of the Year

KUPHELILE ukuqagela ngezimoto ezibanga isicoco se-2028 South African Car of the Year (Coty) emuva kokuba iSouth African Guild of Mobility Journalists (SAGMJ) imemezele ezingu-18 ezikowamanqamu.

Kulo nyaka lo mncintiswano ugubha iminyaka engu-40 wasungulwa njengoba waqala ngpo-1986.

Amajaji, okuyizintatheli ezikhethekile ezingamalungu eSAGMJ, zihlunge ezimotweni ezintsha ezingaphezulu kuka-55 ezethulwe ngo-2025.

Kwebezisemzuliswaneni owandulela owamanqamu kuphinde kwahlungwa kwasala ezingu-18 okuzokhethwa kuzo eyonyaka nezizowina eminxeni ehlukene.

Ukujaja okokugcina kuzokwenziwa ngoMashi eZwartkops Raceway ePitoli nasemigwaqweni yomphakathi.

Amajaji abheka indlela imoto ebukeka ngayo, ubuchwepheshe enabo, ezokuphepha, ukufeza inhloso yayo, intengo uma iqhathaniswa nezimbangi, ukonga kwayo nokunye.

USihlalo weCoty, uThami Masemola, uthe bayaziqhenya ngokuthi lo mncintiswano oxhaswe yi-Old Mutual Insure uhlanganisa iminyaka engu-40.

Embangweni wanonyaka kukhona izimoto ezinhlobonhlobo okubalwa kuzo ama-hatchback, amaSUV omndeni nezinamandla.

Umphakathi uzothola ithuba lokuvotela oyithandayo emunxeni weMotor Enthusiast’s Choice.

Ukumenyezelwa kwezimoto ezinqobe eminxeni ngokwahlukana neyonyaka kuzokwenziwa emcimbini ozoba seGoli ngesonto lokuqala kuMeyi.

Sezizonke ezingu 18 yilezi:

1. Alfa Romeo Junior
2. Audi A5
3. Audi RS Q8
4. BMW 2 Series Gran Coupe
5. BYD Dolphin Surf
6. BYD Shark
7. Chery Tiggo 7 PHEV
8. GWM Haval H7
9. Hyundai Santa Fe
10. Jetour T2
11. Land Rover Defender OCTA
12. Leapmotor C10 REEV
13. Lexus GX
14. Omoda C7
15. Opel Grandland
16. Volkswagen Golf 1.4TSI
17. Volkswagen Tayron
18. Volvo EX90