Izohamba abakhethekile iMINI Countryman Rugged Edition

IMOTO: MINI COUNTRYMAN RUGGED EDITION

KWAKHIWE iMINI Countryman yekhethelo iRugged Edition eyenzelwe abangagcini ngokuhamba edolobheni kodwa bangene nasobhuqwini ngale kovalo.

Abayifunayo kumele basheshe kwazise angu-100 kuphela akhiwe.

Bayenze yehluka kwamanye amaCountryman ngokuyihlobisa kwibhonethi nakwi-grille. Baphinde bafaka amarimu angu-18 inch ahlukile emasondweni angama all-terrain.

Uma uthanda uyakwazi ukuyithwalisa ibhokisi lezimpahla okhakhayini okanye okokufaka ibhayisikili.

Ngaphakathi Inomata abamelana nanoma yikuphi ukungcola.

Amakhasimende azokhetha phakathi kwezimbili iCountryman C neCountryman S.

ICountryman C inenjini engu-1.5 litre kaphethroli eyi-three cylinder. Inamandla angu-115kW ne-torque engu-230Nm.

Kwabafuna amandla athe xaxa, kuneCountryman S enenjini engu-2.0 litre eyi-four cylinder. Wonke amandla angu-150kW ne-torque engu-300Nm angena kuwo wonke amasondo.

Zombili u-gearbox uyi seven-speed automatic transmission.

Intengo:

• MINI Countryman C (Classic) Rugged Edition: R833,903.10
• MINI Countryman S (Classic) Rugged Edition: R953,928.30
• MINI Countryman S (Favoured) Rugged Edition: R989,938.30