Injabulo kuCaster Semenya eqokwa njengenxusa lakwaJaecoo

UMGIJIMI uCaster Semenya uthi wayezibukela phansi izimoto zaseChina ngezinga lazo kodwa ayekucabanga kwakuyiphutha.

Ukusho lokhu eqokwa njengenxusa lakwaJaecoo South Africa wanikezwa iJ7 SHS.

I-J7 SHS yiSUV eyi plug-in hybrid yokuqala yale nkampani.

Inebhethri engu-18.3 kWh elenza ukwazi ukuhamba ngogesi wodwa u-90km. Uma sekuhlangene nophethroli ungahamba 1 200km.

“Into emangazayo ngeJ7 SHS kimina wukuthi inkulu kangakanani. Ibhuthi inkulu nokuthi ithule uma ihamba,” kusho uCaster.

I-J7 SHS ahamba ngayo inamandla angu-255kW ne-torque engu-525Nm.

Ngaphakathi inezihlalo zesikhumba, i-touchscreen infotainment system engu-14.8 inch, izinsizza zomshayeli nokunye.

“Umkami uyayithanda indlela entofontofo nebukeka ngayo. I-J7 SHS seyenze ukuhamba kwethu amabanga amade nezingane kwaba mnandi,” kusho uCaster.