Ishintshwe yengezwa nezokuphepha iToyota Rumion
IToyota Rumion eyafika izovala isikhala se-Avanza
Image: Sithunyelwe
IMOTO: TOYOTA RUMION
KWATOYOTA South Africa Motors (Tsam) sebethuthukise iRumion abayethula okokokuqala ngo-Okthoba ka-2021.
I-Rumion, esuselwe kwiSuzuki Ertiga, yafika izovala isikhala se-Avanza eyahoxiswa.
Ibukeka yamukelwa kahle kangangokuba abanye bayithenga bayishune bancintisane ngayo lapho kukhangiswa khona ngobuhle nangenhlanzeko yezimoto ebizwa ngomdlalo wamanzi.
Ithuthukiswe ezokuphepha ngokushitshwa ama-seatbelt nama-airbag iToyota Rumion
Image: Sithunyelwe
Izinguquko abazenzile ziqala ngaphandle lapho bethe ukuyinweba okhakhayini baphinde bayivula kancane nasezinhlangothini.
Ngemuva baphinde bayenza kabusha ubhampa kanjalo namalambu. Zonke izinhlobo sezifika ne-spoiler ngemuva.
Ngaphakathi ezihlalweni zaphakathi nendawo bengeze izimbobo zokushaja nge-USB u-Type-C.
Zonke izinhlobo zamaToyota Rumion sezifika nama-spoiler ngemuva
Image: Sithunyelwe
KwiTX khona zifakwe ezihlalweni zaphakathi nendawo nakwezokugcina ngemuva.
Akuzona kuphela izinguquko abazenzile ngoba baphinde bathuthukisa ezokuphepha. Zonke izinhlobo sezifika nama-airbag nama-curtain airbag. Ezihlalweni zaphakathi nendawo kushintshwe ama-seatbelt aba yithree-point. Kuphinde kwengezwa nama-headrest ezihlalweni zangemuva.
Injini abayishintshanga bakhetha ukuqhubeka nengu-1.5 litre kaphethroli. Inamandla angu77kW ne-torque enngu-138Nm. Ukhetha phakathi kuka-gearbox oyi-5 speed manual okanye oyi-4 speed automatic.
Intengo:
Rumion 1.5 S MT: R307 900
Rumion 1.5 SX MT: R353 800
Rumion 1.5 SX AT: R373 400
Rumion 1.5 TX MT: R383 000
Rumion 1.5 TX MT: R403 600
Ifika ne-service plan yamasevisi amane noma u-60 000km ne-warranty yeminyaka emithathu noma u-100 000km.