Izohamba abakhethekile i-Isuzu X-Rider Black kwakhiwa awu-150
I-X-RIDER Black yekhethelo eyakhiwa efemini yakwa-Isuzu eseGqeberha
Image: Sithunyelwe
IMOTO: ISUZU X-RIDER
IZOHAMBA abakhethekile i-Isuzu X-Rider Black entsha njengoba kuzokwakhiwa awu-150 kuphela.
Leli veni lekhethelo lakhiwa efemini yakwa-Isuzu Motors South Africa eStruandale, eGqeberha.
Wonke awu-150 azokwakhiwa azobe enenombolo yayo eqoshwe kwi-fender kwesokunxele.
I-X-Rider Black ifika namarimu amnyama awu-18 inch aqoshwe u-Isuzu ngombala obomvu, ine-tubular sports bar emnyama, ama-headlights nama-fog lamps angamaLED namalambu angamaLED ngemuva.
Nangaphakathi imnyama yase ixutshwa nombala obomvu. Izihlalo eziyisikhumba zinezitishi ezibombu zase ziqoshwa u-X kuma-headrest.
Izitishi ezibomvu zikhona nasesiteringini, isegiyeni nakwi-parking brake.
UMBALA wayo omnyama ngaphandle uqhubeka ngaphakathi wase uhlanganiswa nobomvu kwi-Isuzu X-Rider Black
Image: Sithunyelwe
Ngaphakathi ifika ne-screen se-infotainment esingu-7 inch oxhuma kuso iselula nge-Apple CarPlay/Android Auto futhi siveza nengemuva uma upaka.
Injini ehamba ngayo ingu-1.9 litre turbo diesel enamandla angu-110kW ne-torque engu-350Nm.
Amakhasimende akwazi ukukhetha eyi-4x2 eno-gearbox oyi-6 speed manual noma i-6 speed automatic. Eyi-4x4 yona ifika ne-6 speed automatic.
Inokuningi kwezokuphepha abayifake khona njenge-Electronic Stability Control, Hill Descent Control, ama-airbag ngaphakathi nokunye.
Intengo:
1.9 Ddi D/Cab HR X-RIDER BLACK: R664.100.00
1.9 Ddi D/Cab HR X-RIDER BLACK AT: R685 600.00
1.9 Ddi D/Cab 4x4 X-RIDER BLACK AT RHD: R770 400.00
Ifika ne-service plan yeminyaka emihlanu noma u-90 000km, warranty yeminyaka emihlanu noma u-120 000km ne-roadside assistance kanjalo ne-anti-corrosion warranty yeminyaka emihlanu.