I-MG Motor ifuna ukushubisa kwezincane ngeMG3

IMOTO: MG3

IQINISA isikimu sayo nge-hatchback entsha iMG Motor efike eNingizimu Afrika, ngoJanuwari, nonyaka.

Le nkampani izethule ngezimoto ezintathu iZS, HS neCyberster emagaraji ayo angu-44.

Izimisele ngokuvula amanye ayisithupha ngaphambi kokuphela konyala.

Imoto eyethulile iMG3 inentengo engaphansi kweVW Polo Vivo.

Ifika ngezinhlobo ezimbili zezinjini okungekaphethroli neyi-hybrid.

Eyi-hybrid ihlanganise injini kaphethroli engu-1.5 litre nekagesi webhethri engu-1.83kWh kanti ino-gearbox ozishintshayo. Uma kuhlangene kukhipha amandla angu-155kW ne-torque engu-425Nm kanti bathi idla amalitha kaphethroli angu-4.3 ngo-100km.

Ekaphethroli yona inenjini engu-1.5 litre four-cylinder engenayo i-turbo. Amandla angu-81kW ne-torque engu-142Nm. Uyithola ngo-gearbox oyi-5 speed manual okanye ozishintshayo oyiCVT.

I-MG3 ihlukene kabili okuyiComfort neLuxury.

Ifika nama-projector LED headlamps, amarimu angu-16 inch nemibala ehlukene ngaphandle.

Ngaphakathi ine-10.25 inch touchscreen oxhuma kuyo iselula nge-Apple CarPlay/Android Auto ngentambo, inekhamera ngemuva, climate control, izibuko ezihlelwa ngogesi, amawindi kagesi, cruise control nokunye.

Ibhuthi ingu-293 litres.

Kwezokuphepha ine-traction control, ayihlehli uma isuka endaweni enyukelayo, ama-airbag ayisikhombisa, iyasho uma izoshayisa ngaphambili, iyasho uma uphuma emzileni nokunye.

Intengo:

MG3 1.5 MT Comfort                   R269 900

MG3 1.5 CVT Comfort                  R309 900

MG3 1.5 CVT Luxury*                   R344 900

MG3 1.5 HEV                                R469 900

Zonke zifika ne-warranty yeminyaka eyisikhombisa noma u-200 000km ne-service plan yeminyaka emithathu noma u-45 000km.