Bamemezele intengo yeVW Golf 8.5 GTI ezotheleka ngoNovemba
I-VW Golf 8.5 GTI entsha ezoqala ukudayisa kuleli ngoNovemba
Image: VW Group Africa
IMOTO: VW GOLF 8.5 GTI
IZOTHELEKA kuleli ngoNovemba, i-VW Golf 8.5 GTI entsha abantu abaqale ukubuza ngayo kusuka iveziwe emhlabeni jikelele ngonyaka odlule.
KwaVolkswagen bavule ama-oda futhi abayifunayo kumele basheshe njengoba kuzofika angu-300 nonyaka kuthi amanye alandele ngonyaka ozayo.
Ifika namandla anyusiwe asengu-195kW esuka ku-180kW. Injini kuseyiyo engu-2.0 TSI esebenza no-gearbox oyi-7 speed DSG. Amandla amasha ayenza isuke ku-0 ibambe u-100km/h ngemizuzwana engu-5.9
INGAPHAKATHI le-VW Golf 8.5 GTI, bashintshe i-screen bafaka namabhathini esiteringini
Image: VW Group Africa
Ezinye izinguquko zihlanganisa amalambu angamaLED enziwe kabusha ngaphambili nangemuva. Nebheji lakwaVW ngaphambili liyakhanya.
Kukhona nemibala emisha. Okhakhayini ifika ne-sunroof ongeke uyengezele mali. Empeleni konke okuthenga eceleni bakufake entwengweni yayo kulezi ezingu-300 zokuqala.
Amarimu nawo ashintshiwe futhi ifika nangu-19 inch atholakala kwiGTI kuphela.
Ngaphakathi bayishintshe i-infotainment system. Esiteringini sekubuyiswe amabhathini akudala, akusewona lawo okudinga uwathinte kancane noma udlulise umunwe bese enza okufunayo.
Baphinde bayigaxa nobuchwepheshe obenza umshayeli ekwazi ukuyipaka noma ayikhiphe lapho epake khona emi ngaphandle esebenzisa iselula.
Intengo:
R908,000