UWilliams ethubeni lokuphula irekhodi likaKhune kwiPSL

UKUQOKWA kukaRonwen Williams weMamelodi Sundowns emunxeni weBetway Premiership Goalkeeper of The Season kumbeka ethubeni lokudlula inkakha kanozinti waseNingizimu Afrika, u-Itumeleng Khune.

IPremier Soccer League (PSL) ikhiphe uhla lweminxa okuzoqokwa kuyona abenze kahle ngesizini edlule esigabeni sebhola esiphezulu saseMzansi. 

Ngokwamarekhodi e-PSL aqala ukuqoshwa ngesizini ka-2006/2007, uKhune owazakhela ugazi kwiKaizer Chiefs nakwiBafana Bafana, usewine umklomelo kanozinti ovelele amahlandla amane.

UWilliams oqhathwe no-Elvis Chipezeze weMagesi FC noSipho Chaine we-Orlando Pirates, ubambene noKhune kwazise naye ugoduke nalo mklomelo amahlandla amane.

UKhune, namanje osabalwa kwabanye bonozinti abaphambili abangena enkundleni ebholeni laseNingizimu Afrika, waqala ukudla lo mklomelo ngesizini ka-2007/2008.

Lo nozinti osephenduke umhlaziyi webhola, wawuphinda futhi ngeka-2012/2013 nangeka-2014/2015 ngaphambi kokuvala ngokuwudla okokugcina ngeka-2017/2018.

Yonke le miklomelo uKhune uyidle ewunozinti wokuqina nokaputeni weChiefs.

UWilliams, ophethe ibhande likakaputeni kwiBafana, wadla lo mklomelo amahlandla amabili ngesikhathi esesemabhukwini eSuperSport United ngo-2018/2019 nango-2019/2020.

Ngesizini ka-2022/2023 nangeka-2023/2024, uWilliams uwuphindile lo mklomelo esedlalela iSundowns.

Ukuqokwa kukaWilliams noChipezeze odlale kahle, noChaine oyiphini lakhe kwiBafana, kumbeka ethubeni lokuba ngunozinti wokuqala emlandweni we-PSL ozodla lo mklomelo amahlandla amahlanu.

Maningi amathuba okuthi uWilliams adle lo munxa yize engazange ayidlale yonke imidlalo njengenjwayelo. Kwengu-16 yeligi ugweme ukungenelwa yigoli kwengu-11 yayo. Kule midlalo uWilliams ungenelwe amagoli ayisithupha.

Kunzima ukuziba amathuba kaChipezeze odlalele iMagesi kweyeligi engu-26, wagwema ukungenelwa yigoli kwengu-11. Angu-28 amagoli angene kuChipezeze ngesizini edlule.

Emidlaleni yeligi yePirates engu-25, uChaine ugweme ukungenelwa amagoli emidlalweni engu-11 kodwa wangenelwa angu-18, okumbeka endaweni engcono kunoChipezeze.

Phakathi konozinti asebeke badla lo munxa singabala uCalvin Marlin (Sundowns), Patrick Tignyemb (Blomefontein Celtic), Darren Keet (Bidvest Wits) noDenis Onyango noMoeneeb Josephs beSundowns, Wits nePirates ngokwahlukana asebewudle amahlandla amabili ngamunye.

Selulonke uhla lweminxa yemiklomelo yabenze kahle kwi-PSL lumi kanje:

PSL Footballer of the Season: Lucas Ribeiro Costa (Mamelodi Sundowns), Keletso Makgalwa (Sekhukhune United), Relebohile Mofokeng (Orlando Pirates)

Betway Premiership Players' Player of the Season: Lucas Ribeiro Costa (Mamelodi Sundowns), Keletso Makgalwa (Sekhukhune United), Relebohile Mofokeng (Orlando Pirates)

Betway Premiership Coach of the Season: Steve Barker (Stellenbosch FC), Miguel Cardoso (Mamelodi Sundowns), Jose Riveiro (Orlando Pirates)

Betway Premiership Young Player of the Season: Malibongwe Khoza (Mamelodi Sundowns), Relebohile Mofokeng Mohau Nkota (both Orlando Pirates)

Betway Premiership Midfielder of the Season: Marcello Allende, Teboho Mokoena (both Mamelodi Sundowns), Makhehlene Makhaula (Orlando Pirates)

Betway Premiership Defender of the Season: Grant Kekana (Mamelodi Sundowns), Thabo Moloisane (Stellenbosch FC), Nkosinathi Sibisi (Orlando Pirates)

Betway Premiership Goalkeeper of the Season: Sipho Chaine (Orlando Pirates), Elvis Chipezeze (Magesi FC), Ronwen Williams (Mamelodi Sundowns)

Betway Premiership Goal of the Season: Fawaaz Basadien (Stellenbosch FC v Cape Town City), Lucas Ribeiro Costa (Mamelodi Sundowns vs Orlando Pirates), Glody Lilepo (Kaizer Chiefs v Marumo Gallants)

Nedbank Cup Player of the Tournament: Inacio Miguel, Pule Mmodi, Gaston Sirino (all Kaizer Chiefs)

Nedbank Cup Most Promising Player of the Tournament: Mbekezeli Mbokazi, Relebohile Mofokeng, Mohau Nkota (all Orlando Pirates)

Carling Knockout Player Of The Tournament: Elvis Chipezeze, Edmore Chirambadare (both Magesi FC), Iqraam Rayners (Mamelodi Sundowns)

MTN8 Last Man Standing: Fawaaz Basadien (Stellenbosch FC), Deon Hotto, Relebohile Mofokeng (both Orlando Pirates)

Motsepe Foundation Champions Players' Player of the Season: Banele Hlophe (JDR Stars), Joslin Kamatuka (Durban City), Muzomuhle Khanyi (Hungry Lions)

Motsepe Foundation Goalkeeper of the Season: Emile Lako (Casric Stars), Sekhoane Moerane (Orbit College), Dumisani Msibi (Durban City)

Motsepe Foundation Young Player of the Season: Luke Baartman (Cape Town Spurs), Teboho Lekhatla (Casric Stars), Siphamandla Mhlongo (Milford FC)

DStv Diski Challenge Player of the Season: Gomolemo Kekana (Mamelodi Sundowns), Ntandoyenkosi Nkosi (Kaizer Chiefs), Tylon Smith (Stellenbosch FC)

Referee of The Season: Luxolo Badi, Masixole Bambiso, Olani Kwinda

Assistant Referee of The Season: Kgara Mokoena, Romario Phiri, Khamusi Razwimisani