Kubhekwe uMofokeng noRibeiro ukushanela kweyePSL

KUNGENZEKA babuyele emakhaya beqiqingile abadlali abayizilomo, uRelebohile Mofokeng we-Orlando Pirates noLucas Ribeiro Costa weMamelodi Sundowns, abaqokelwe imiklomelo eminingi ngokwahlukana, kwabenze kahle esigabeni esikhulu sePremier Soccer League (PSL) ngesizini ka-2014/2025.

UMofokeng noRibeiro bebekhanya njengezibani ngokwahlukana emaqenjini abo kwiBetway Premiership ngesizini edlule, njengoba kuyibona ababhekwe ukuba bagoduke nemiklomelo eminingi. Umcimbi wePSL wokuklomelisa abenze kahle uzoba ngoJulayi 29, eGauteng. Uzokhonjiswa bukhoma kuSuperSport nakwiSABC.

UMofokeng noRibeiro baqokelwe umklomelo omkhulu we-PSL Footballer of The Season noKeletso Magkalwa weSekhukhune United. 

Bobathathu laba badlali yibona futhi abazobanga oweBetway Premiership Player’s Player of The Season okuyixoxa kuyiqede indaba ngendlela abakhombise ukuzinikela ngayo cishe yonke isizini edlule emaqenjini abo ngokwahlukana.

UMofokeng uqokwe eminxeni emihlanu uma isihlanganiswe yonke kwazise igama lakhe liyavela nakwiMTN 8 Last Man Standing, Nedbank Cup Most Promising Player nakwiBetway Premiership Young Player of the Season.

Imbangi kaMofokeng, uRibeiro ubalwa nabanye babadlali ababe nesizini enhle ukubedlula bonke eNingizimu Afrika okufakazelwa wukushayela kwakhe iSundowns amagoli angu-21, wakhela ozakwabo angu-15 emidlalweni engu-51 ngokwahlukana kwemiqhudelwano.

Ukushaya into ecokeme kukaRibeiro ngesizini edlule, kungenzeka kumakhele ugazi kubaqeqeshi bePremiership okuyibona abavotela umklomelo womdlali ovelele. Ngaphambi kokuphela kwesizini, abaqeqeshi abahlukene balimise ngesihloko elokuthi lo mklomelo umfanele. Emidlalweni yeligi, uRibeiro ushaye amagoli angu-16, wemuka nomklomelo weBetway Premiership Top Goal Scorer.

Uma kugcina kukhonye uRibeiro kowePSL Footballer of the Season, uzobe elandela ezinyathelweno zabadlali okubalwa kubona uSiyabonga Nomvete noPeter Shalulile abadla lo mklomelo bawusheba noweBetway Premiership Top Goal Scorer. 

Nakuba bekuyisizini yokuqala iligi ixhaswe yinkampani yokugembula, iBetway, kodwa iSundowns ibidla isicoco okwehlandla lesishiyagalombili. Ukuwina iligi kweSundowns akubuzwa ukuthi  yikhona okuyenze yaqokwa cishe kuyona yonke iminxa njengoba nomqeqeshi wayo, uMiguel Cardoso, eqokelwe koweBetway Premiership Coach of The Season. 

Ezimnandi kwabalandela iKaizer Chiefs, zithi nakanjani leli qembu laseNaturena lizogoduka nokuthile njengoba kwiNedbank Cup Player of The Tournament kuqhathwe abadlali bayo bodwa okunguPule Mmodi, Inacio Miguel noGaston Sirino.

Kuningi okuzobe kubonakala okokuqala kulo mcimbi njengeminxa ebingekho phambilini njengeyeMotsepe Foundation Championship ehlanganisa i-Player of The Season, Player’s Player of The Season noweGoalkeeper of the Season.

Isiyonke imiklomelo kumaPSL Awards iqhathwe kanje:

PSL Footballer of the Season: Lucas Ribeiro (Sundowns), Keletso Makgalwa (Sekhukhune), Relebohile Mofokeng (Pirates) 

Betway Premiership Players’ Player of the Season: Lucas Ribeiro (Sundowns) Keletso Makgalwa (Sekhukhune), Relebohile Mofokeng (Pirates)

Betway Premiership Coach of the Season: Steve Barker (Stellenbosch), Miguel Cardoso (Sundowns), Jose Riveiro (Pirates) 

Betway Premiership Young Player of the Season: Malibongwe Khoza (Sundowns), Relebohile Mofokeng (Pirates), Mohau Nkota (Pirates) 

Betway Premiership Midfielder of the Season: Marcelo Allende (Sundowns), Makheleni Makhaula (Pirates), Teboho Mokoena (Sundowns)

Betway Premiership Defender of the Season: Grant Kekana (Sundowns), Thabo Moloisane (Stellenbosch), Nkosinathi Sibisi (Pirates)

Betway Premiership Goalkeeper of the Season: Sipho Chaine (Pirates), Elvis Chipezeze (Magesi), Ronwen Williams (Sundowns)

Betway Premiership Goal of the Season: Fawaaz Basadien (Stellebosch), Lucas Ribeiro (Sundowns), Glody Lilepo (Chiefs) 

Nedbank Cup Player of the Tournament: Inacio Miguel (Chiefs) Gaston Sirino (Chiefs), Pule Mmodi (Chiefs)

Nedbank Cup Most Promising Player: Mbekezeli Mbokazi (Pirates), Relebohile Mofokeng (Pirates), Mohau Nkota (Pirates) 

Carling Knockout Player of the Tournament: Elvis Chipezeze (Magesi), Edmore Chirambadare (Magesi), Iqraam Rayners (Sundowns)

MTN8 Last Man Standing: Fawaaz Basadien (Stellenbosch), Deon Hotto (Pirates) Relebohile Mofokeng (Pirates) 

Motsepe Foundation Championship Players’ Player of the Season: Banele Hlophe (JDR Stars), Joslin Kamatuka (Durban City) Muzomuhle Khanyi (Hungry Lions), 

Motsepe Foundation Championship Goalkeeper of the Season: Emile Lako (Casric Stars), Sekhoane Moerane (Orbit College), Dumisani Msibi (Durban City)

Motsepe Foundation Championship Young Player of the Season: Luke Baartman (CT Spurs), Thabo Lekhatla (Casric Stars), Siphamandla Mhlongo (Milford FC)

DSTV Diski Challenge Player of the Season: Gomolemo Kekana (Sundowns), Ntandoyenkosi Nkosi (Chiefs), Tylon Smith (Stellenbosch)

Referee of the Season: Luxolo Badi, Masixole Bambiso, Olani Kwinda

Assistant Referee of the Season: Kgara Mokoena, Romario Phiri, Khamusi Razwimisani