Isiga ungqongqoshe egxambukela emsebenzini wabaqeqeshi beBafana

ININGI lisale likhexile, abanye bathi ibambe ngakho ngesenzo sikaNgqongqoshe wezemiDlalo, ubuCiko namaSiko kuzwelonke, uZizi Kodwa, sokweluleka abadlali beBafana Bafana ngokuthi abadlale nhloboni yebhola.

UKodwa ubekhuluma nabadlali beqembu lesizwe ezindlini zokushintshela ngemuva komdlalo wayo neMali emqhudelwaneni i-Africa Cup of Nations, e-Ivory Coast, ngoLwesibili ebusuku.

Yize ekukhulumeni kwakhe ungqongqoshe ebegxile ekukhuthazeni leli qembu ukuthi lingalahli ithemba ngokudlulela emzuliswaneni olandelayo walo mqhudelwano, okuqapheleke kakhulu ukuthi ukhulume waze wagamanxela emsebenzini wabaqeqeshi, okungukweqa umngcele nokwethuse abaningi ababone i-video yakhe ezinkundleni zokuxhumana izolo.

“Ngicabanga ukuthi leya tika-taka namaphasi amafishane enze umehluko omkhulu futhi ngicabanga ukuthi nibahlulile ngaleya tika-taka amaphasi amafishane ngesiwombe sokuqala,” kusho uKodwa.

“Iyodwa indlela yokuthi udlule kubo (iMali), ukuthi nigweme ukudlala amabhola ahamba phezulu.”

Kulo mdlalo wangoLwesibili iBafana ithole isibhaxu sika 2-0 nokuyibeka emsileni ku-Group E lapho ifakwe khona neNamibia, Mali neTunisia.

Ngesikhathi uKodwa enza le nkulumo abadlali bebehleli bebedangele ngenxa yokuhlulwa, beqaqele indawo yokushintshela. Bekukhona nomengameli weSouth African Football Association (Safa), uDanny Jordaan. Umqeqeshi weBafana uHugo Broos, obebambe umlomo emi ngemuva kukangqongqoshe, naye ubekhona.

UKodwa uthe abadlali abangalahlekelwa yithemba futhi badlale njengeqembu.

Get up and try again @BafanaBafana. Let us learn the lessons from this loss and come back stronger at #AFCON2023 @SportArtsCultur @SAFA_net @GovernmentZA pic.twitter.com/wHFq0EIWVS

— Minister of Sport, Arts & Culture (@zizikodwa) January 16, 2024

Uthe uyathemba ukuthi umqeqeshi uthole isifundo kulo mdlalo futhi uzokwakhela phezu kwaso.

Kube nemibono eshayisanayo enkundleni i-X ngesenzo sikaKodwa. Umsakazi we-947, uMo Flava ephawula ngale video, uthe sihle isenzo sikangqongqoshe futhi unethemba lokuthi ngeke sifakele abadlali ingcindezi, kunalokho sizobagqugquzela.

U-Ibongwe Ntinde ubuze ukuthi ufunani ezindlini zokushintshela?

UThelo Malatji ubuze ukuthi ungqongqoshe usewumqeqeshi yini?

U-Ongama Mtimka uthe sihle isenzo sikangqongqoshe futhi abadlali bebesidinga.

That's the duty of a coach; you can see the coach wasn't happy at all.

— Nhlanhla Gezani Leonard (@BaloyiLeonard) January 17, 2024

Hebanna😳; people are abusing their political deployment for likes…even took over the dressing room🙆🏽‍♂️

— Sipho Mlaudzi 🇿🇦 SA Jozi (@Scocolito_Berry) January 16, 2024

Welele... we already have a Policing Minister and now we have a Coaching Minister😫😩😩

Next time: Words of encouragement. Uyivale.

— madanga (@WothiJiba) January 16, 2024

Is the minister coaching now 😳😳😳

— Thaps (@Thaps0203) January 16, 2024

Nifunani ku dressing room, didn't you encourage players prior to tournament got started?

— Mafisa-okuhle (@Mafisa_Shoba) January 17, 2024

We thank you for speaking for us voices-less South Africans, The needed to hear that from someone like you. Surly in the next game will do better and play as a team. We’re very sad 😞 about the results the game was in our hands yet we give it away

— Alex (@srurasrura) January 17, 2024

Thank you Minister not all is lost, Spain lost it opening match in 2010, Argentina lost their opening match as well in 2022 however both of them came victorious. Push Bafana Bafana Push 🙌🙌🙌

— Thobani Shandu (@ThobaniPhilaniS) January 17, 2024