UNtseki umemezele abadlali azogadla ngabo kweyokuhlungela i-AFCON
UMGADLI weCape Town City uKermit Erasmus ongalibheki ipali muva nje ungomunye wabadlali abazomela iBafana kwimidlalo yokuhlungela i-AFCON. Isithombe: Phando Jikelo/African News Agency(ANA) UMGADLI weCape Town City uKermit Erasmus ongalibheki ipali muva nje ungomunye wabadlali abazomela iBafana kwimidlalo yokuhlungela i-AFCON. Isithombe: Phando Jikelo/African News Agency(ANA)
UMQEQESHI weBafana Bafana uMolefi Ntseki usememezele isikwati esizolibangisa emidlaweni yokuhlungela i-Africa Cup of Nations (AFCON) yango-2021 ngenyanga ezayo.
IBafana izotholana neGhana ngoNovemba 14 ekuhambeni e-Accra, ngaphambi kokuba yamukele iSudan e-Orlando Stadium ngoNovemba 17. UNtseki ubuyise iningi labadlali abegadle ngabo emdlalweni weNelson Mandela Challenge beshaya iMali ngo 2-1 eNelson Mandela Bay Stadium ngenyanga edlule.
Abadlali ababelimele ngesikhathi iBafana idlala neMali uThamsanqa Mkhize, Sifiso Hlanti noBongani Zungu babuyisiwe njengoba sebeluleme. Isikhala sikaKeegan Dolly olimele, sivalwe u-Aubrey Modiba.
Isikwati seBafana esiphelele:
Onozinti
Darren Keet (Leuven, Belgium), Ronwen Williams (SuperSport United), Ricardo Goss (Bidvest Wits)
Abadlali basemuva
Erick Mathoho (Kaizer Chiefs), Buhle Mkhwanazi, Thulani Hlatshwayo (Bidvest Wits), Thapelo Morena (Mamelodi Sundowns), Mosa Lebusa (Mamelodi Sundowns), Thamsanqa Mkhize (CT City), Innocent Maela (Orlando Pirates), S'fiso Hlanti (Bidvest Wits),
Abadlali basesiswini
Kamohelo Mokotjo (Brentford, England), Thato Mokeke (CT City), Dean Furman (SuperSport United), Lebogang Phiri (Guingamp, France), Themba Zwane (Mamelodi Sundowns), Thulani Serero (Al Jazira, Abu Dhabi), Aubrey Modiba (SuperSport United), Mothobi Mvala (Highlands Park), Bongani Zungu (Amiens FC, France)
Abagadli
Lebo Mothiba (Strasbourg, France), Bradley Grobler (SuperSport United), Kermit Erasmus (CT City) Thembinkosi Lorch (Orlando Pirates), Percy Tau (Club Brugge, Belgium)