Kuphelile ku-Eymael neFree State
OBENGUMQEQESHI weFree State Stars uLuc Eymael. Isithombe: BACKPAGEPIX OBENGUMQEQESHI weFree State Stars uLuc Eymael. Isithombe: BACKPAGEPIX
AKUPHELANGA ngisho amahora ambalwa kusule obengumqeqeshi weBlack Leopards, uJoel Masutha, kwase kuvela ukuthi uLuc Eymael obecija iFree State Stars usehlukene neqembu ngoMsombululo.
Ngokwemibiko iFree State no-Eymael bavumulane ngokuthi kuhlukanwe ngenxa yemiphumela yakamuva ebingahambi kahle. Kuke kwavela phambilini ukuthi abaphathi beFree State bake basikaza ukumxosha u-Eymael kodwa babuye bashintsha imiqondo.
IFree State isendaweni yesishiyagalolunye kwi-log ye-Absa Premiership. Emidlalweni ewu-14 esiyidlalile isawine emithathu, yadlala ngokulinga emine yase ishaywa kweyisikhombisa. Ngempelasonto ishaywe yiSuperSport United ngo 1-0.
Lo mqeqeshi uxoshwa nje bekunemibiko yokuthi iKaizer Chiefs yayimufuna.