IQEMBU iDemocratic Alliance (DA) esifundazweni iKwaZulu-Natal lamukele incwadi yokwesula komunye wabaholi.
Leli qembu lithi uNicole Graham obengumholi walo eThekwini ufake incwadi yokwesula kuleli qembu.
“Sithanda ukubonga kakhulu kuNicole ngokusebenza ngokuzinikela kuleli qembu iminyaka engu-11 ezinhlakeni ezahlukene.”
Kule ncwadi, uNicole uveze ukuthi uyofunda phesheya kwezilwandle
“Ngisulile esikhundleni sami njengomholi weDA emkhandlwini weTheku. Ngifudukela phesheya ngiyoqhubeka nezifundo zami zeMBA enyuvesi yaseSydney,” kusho yena.
Uthe ugcina ekupheleni kwale nyanga eqenjini lakhe, kanti uhlela ukushiya ekupheleni kukaJulayi esikhundleni sakhe eumkhandlwini kaMasipala weTheku.
