AKASEKHO emhlabeni uNdunankulu kaZulu, Inkosi Mangosuthu Buthelezi.
UButhelezi ukhothame ezintathakusa, ngoMgqibelo.
Izindaba zokukhothama kukaButhelezi zimenyezelwe wumndeni kanye nomengameli wezwe, uCyril Ramaphosa.
UButhelezi, ongomsunguli we-IFP, ukhothame kusaphele isonto ekhishwe esibhedlela lapho ebekade elashelwa khona izinhlungu ebese zimphathe isikhathi eside.
UButhelezi ukhothama nje emasontweni amabili ubekade ehlanganisa iminyaka engu-95.
URamaphosa uthe kuzokwenziwa isimemezelo ngezinhlelo zokugubha impilo kaButhelezi kanye nezokumtshala emva kokuxoxa nomndeni.
"Sigqemeke engeqiwa ntwala njengoba silahlekelwe yisishoshovu sezamasiko. Kuningi esisazokukhuluma ngempilo yakhe njengoba sizoqhubeka nokugubha amagalelo akhe."
Umndeni ucele ukuba unikezwe ithuba lokuzilela uButhelezi.