FANELESIBONGE BENGU
UZONGCWATSHWA namhlanje ngemuva kwenkonzo ezoba se-Inkosi Albert International Convention Centre u-Anele “Nellie” Tembe obeyingoduso yomrepha u-AKA.
UNellie ushone ngeSonto ekuseni emuva kokushayeka phansi esuka ebhilidini lehhotela laseCape Town, iPepper Club Hotel.
Okhulumela umndeni uBongani Tembe, utshele Isolezwe ukuthi inkonzo izoba ngo-9.30 ekuseni eDurban ICC.
Uthe iziteshi zezindaba zethelevishini zizoyisakaza bukhoma kanjalo nakwiZoom.
Selokhu kuqale isonto bekuba nemithandazo yokumkhumbula ebiba kwiZoom ihora njalo ebusuku.
U-AKA ulobole uNellie ngenyanga edlule okuyizindaba ezathakaselwa abalandeli bakhe abaningi.
Ukudlula kwakhe emhlabeni kuthinte abaningi abadlulise imiyalezo yenduduzo ezinkundleni zokuxhumana.