Kunqobe uMcJunior Zondi ohlelweni iBig Brother Mzansi olusongwe ngeSonto ebusuku ngemuva kokudlala amasonto kusuka ngoJanuwari.
Ngokuphuma phambili uMcJunior uwine isamba semali esingu-R2 million.
Unqobe sebesele beyisithupha okunguMakhekhe, Zee, Papa Ghost, Mpumi noSinaye.
Ekugcineni ubesesele noMakhekhe ngemuva kokukhishwa kukaPapa Ghost, Mpumi, Zee noSinaye.
Lolu hlelo, obelubuya isizini yesine ebiteketiswa ngeSyamosha, belusakazwa ubusuku nemini kwiDStv channel 198.
Njalo ngeSonto beludlala kuMzansi Magic uma sekukhona abakhishwayo njengoba baqala bengu-23 bengena ngoJanuwari 23.
Kula masonto adlule ludlala, kube nezigigaba ezahlukene okuhlanganisa kuzo ukuxoshwa kukaBravo B waKwaZulu-Natal lusanda kuqala. Wayesolwa ngokukhuluma inkulumo ejivaza abesifazane.
Omunye oxoshiwe nguYolanda oxoshwe emasontweni amabili edlule ngenkulumo ayenza ethinta ukunukubeza omunye osendleini.