UZOVELA phambi kweMantshi yaseWelkom owesifazane obone ithuba lokwenza imali ngosizi lomuntu obefuna umsebenzi.
Kuthiwa uphiko loKlebe lubophe owesifazane oneminyaka engu-45 ngoLwesine mhla ka 8 Mashi esemsebenzini kuMasipala iMatjhabeng eFree State.
Kuthiwa ngoFebhruwari nonyaka, uMasipala waseMatjhabeng ukhiphe imisebenzi yabazoqeqeshelwa ukuba ngamaphoyisa omgwaqo.
“Intombazane eneminyaka engu-20 yayithokozile ithola ucingo oluqinisekisa ukuthi sitholakele isicelo sayo somsebenzi.
Umgilwa uthe owayemshayele ucingo wamthembisa umsebenzi uma engakhokha u-R10 000.
Lolu daba lwabikelwa uphiko oluphenya amacala abucayi enkohlakalo okuyilona olwabopha umsolwa ngesikhathi eseyolanda imali yokugwazisa ngoLwesine ngo-8 ekuseni.
“Ubecabanga ukuthi sekuyisikhathi sokulanda itshontsho lakhe kanti cha, uzothola abaphenyi becala bemlindile.”