USINDE kukubi unogada odutshulwe ngabasolwa abebehlomile ngoLwesithathu ekuseni, emgwaqweni uBluff eningizimu yeTheku.
Abezimo eziphuthumayo bathi owesilisa (46) usindiswe yivesta elivimba inhlavu ngesikhathi ehlaselwa ngabasolwa.
“Lo nogada utholakale enenxeba lokudutshulwa esifubeni nomhuzuko engalweni kwesokunxele,” kusho uKyle van Reenen okhulumela abe-Emer-G-Med.
Imibiko evela endaweni yesigameko ithi bekwebiwa imoto ngesikhathi kuqhamuka unogada ozithele phezu kwemigulukudu. Abasolwa bavulele ngenhlamvu bebhekise emotweni ebihamba unogada.
Kulimale nenye imoto ebikhona endaweni ngesikhathi kwenzeka lokhu, ngenhlanhla abekho abanye abalimalile.