OWAYEYIPHINI lomholi we-EFF, uMnuz Floyd Shivambu, uqokelwe kwesikaNobhala Jikelele weMK.
Ukuqokelwa kukaShivambu kulesi sukhundla kumenyezelwe yihhovisi likamengameli weMK esitatimendeni ngeSonto ekuseni.
Esitatimendeni esithunyelwe kwabezindaba uJacob Zuma uqoke uShivambu ukuba aphathe lesikhundla emva kokwesula kukaDkt Sifiso Maseko, oshiye ngoLwesithathu.
UMaseko usule ngenxa yokuthi usebuyela emsebenzini wakhe eMnyangweni wezeMpilo esifundazweni iGauteng.
UMaseko ubekade emisiwe kulo msebenzi ngenxa yophenyo lwezinsolo zokubhubhudlwa kwemali yokuthengwa kwezinsiza zokulwa nokusabalala kobhubhane icorona.
I-MK ithe uShivambu uyena osezokwenza yonke imisebenzi ebiyenziwa uMaseko.
UShivambu ujoyine iMK ngo-Agasti, wafike wanikwa isikhundla sokuba uMgqungquzeli kaZwelonke okuyisikhundla esingakavalwa.