UMPHATHISWA wezeMfundo eMpumalanga, uMnuz Bonakele Majuba, uzohambela isikole iMawewe Secondary esiseDumphries Village, eBushbuckridge ngemuva kokushona komfundi oshawe yinyoka.
Ngokusho kukaMnuz Gerald Sambo, okhulumelela umnyango, umfundi oneminyaka engu-18 ubudala ubesenkanjini ehlala abafundi abenza u-matric esikoleni, ngesikhathi eshawa yinyoka.
“Ushawe yinyoka esenkanjini ngoMsombuluko ebusuku, ngeshwa waphangalala ngenxa yokulimala,” kusho uSambo.
Uthe uMphathiswa uzohambela esikoleni njengoba kulindeleke ukuba kubanjwe inkonzo yesikhumbuzo yomfundi namuhla esikoleni.