IMOTO: VOLKSWAGEN TOUAREG
Uqalile ukudayiswa umakhonya wamaSUV akwaVolkswagen iTouareg ethuthukiswe ngezinto ezehlukene.
Ngaphambili ishintshwe kwi-radiator grille, ifakwe ama-IQ.Light HD matrix headlights amasha kanjalo nolayini okhanyayo emaceleni ophawu lakwaVW kwi-grille.
Nangemuva kwenziwe izinguquko njengoba ishintshwe kumalambu ahlangene. Nophawu lakwaVW selukhanya ngombala obomvu. Ithuthukiswe namarimu.
Izinguquko zidlulele nangaphakathi. Zihlanganisa indlela yokuyilawula ngephimbo. Amandla okushaja nge-USB anyusiwe nokwenza isheshe. KwaVW bathi balalele izincomo zabantu ukuyithuthukisa. Kwi-centre console bathi isithambile kunakuqala.
ITouareg ihamba ngenjini engu-3.0 litre TDI enamandla angu-190kW. U-gearbox uyi-8 speed automatic futhi idonsa ngawo womane amasondo.
Intengo:
3.0 V6 TDI 190kW (Elegance) - R1 457 900
3.0 V6 TDI 190kW (R-Line) - R1 763 900
Iphuma neMaintenance Plan yeminyaka emihlanu noma u-100 000km, i-warranty yeminyaka emithathu noma u-120 000km ne anti-corrosion warranty yeminyaka engu-12.