IZINDAWO zokudla zihlezi ziqhamuka namasu amasha okwenza ukudla okujwayelekile kuhluke ngendlela ehehayo.
IBeira Alta okuyindawo yokudlela enezinyanga ezimbalwa ivulwe eSibaya Casino ngoLwesibili igubhe iBurger Day ngama-burger ayo amabili ahamba phambili kubantu abavakashela le ndawo.
UZakhele Ndlozi ongumpheki omkhulu eSibaya Casino & Entertainment Kingdom ukhiphe amaresiphi ama-burger amabili athandwa kakhulu abawenza eSalon Privé ukuze abafundi beSolezwe bazenzele wona emakhaya.
Izithako zokwenza iSibaya Veggie Burger:
1 ibhanisi, 30g mayonnaise, ½ tsp paprika, ¼ tsp cayenne pepper, 20g pickled red onions, 3 izingcezu zikatamatisi, 1 soy burger patty, 2 izingcezu ze-pineapple, 10g carrot sliced pickled, 10g ucezu luka-beetroot, 15g mixed lettuce, Pickling Liquid, 1 inkomishi u-vinegar omhlophe, 1 inkomishi yamanzi, 1 inkomishi kashukela, 1 tsp black mustard seeds, 1 tsp coriander seeds, 1 tsp fennel seeds, 1 bay leaf, 1 cinnamon stick Pickling Liquid
Indlela yokwenza: Ebhodweni, hlanganisa u-vinegar, ushukela, amanzi nezinongo kubile bese uyakubhadlisa imizuzu emihlanu.
Kwenye indishi hlanganisa imifino yakho uthele izithako zakho ozibilisile bese uyavala ukubeke eceleni.
Ukwenza isosi; hlanganisa ipaprika, cayenne pepper ne-mayonnaise.
Ukuhlanganisa i-burger yakho: Sika ibhanisi ulithose kancane epanini elishisayo imizuzu emithathu. Sika u-pineapple uwuthose kancane bese uthosa u-beetroot uze uklamuzele. Gcobisa imayonnaise kwibhanisi lakho ubeke ucezu lukatamatisi, anyanisi, isoy patty, pineapple, ama-pickled carrots, beetroot chips, ne-lettuce. Ungakudla nama-chips noma i-salad
Izithako zokwenza Sibaya Lamb Burger eneCoriander Yogurt
1 ibhanisi, 30g mayonnaise, ½ tsp paprika, ¼ tsp cayenne pepper, 20g red onion, 3 izingcezu zikatamatisi, 1 lamb burger patty, 30g yogurt, 10g coriander, ¼ tsp usawoti, ¼ tsp pepper, 5g fresh mint, 15g mixed lettuce
Indlela yokwenza isosi: Endishini encane hlanganisa i-paprika, cayenne pepper ne-mayonnaise. Kwenye indishi faka iyogurt, i-coriander eqotshiwe, usawoti no-pepper.
Ukuhlanganisa i-burger: Thosa i-burger yakho nhlangothi zombilii bese uyibeka eceleni iphole, thosa ibhanisi lakho ulifafaze ngezinongo. Ibhanisi lakho ligcobise i-mayonnaise, ucezu lukatamatisi no-anyanisi ulandele nge-burger yakho uqedele nge- lettuce, coriander ne-mint. Phaka nama-chips noma i-salad.