USUFIKILE uKhisimusi kodwa baningi abasadidekile ngokuthi bazopheka ini nokuthi bazokwenza kanjani ukuqinisekisa ukuthi baba nosuku oluhle.
Funda indlela elula yokwenza ukudla okumnandi usebenzisa izithako zansuku zonke.
ISavoury Rice
Izithako
Irayisi - kala ngobuningi bomndeni wakho
Izaqatha eziqotshwe ngobude
I-yellow, red no-green pepper
anyanisi
amafutha
usawoti
ugalikhi nejinja
Ubhekeni wengulube noma wenkukhu oqotshiwe
I-cumin, cajun seasoning, paprika, turmeric, white pepper (uhhafu wesipuni isithako ngasinye) noma usebenzise i-biryani mix.
Indlela yokwenza
Pheka irayisi ngokujwayelekile kodwa lingavuthwa kakhulu. Eceleni thosa u-anyanisi, uma usuvuthwa faka ugalikhi nejinja, izaqatha nama-pepper. Faka ama-spice akho onke uhlanganise kahle ufake nosawoti, ubhekeni.
Hlanganisa nerayisi ugovuze kuze kuhlangane kahle emlilweni ophansi. Cisha umlilo.
Isitambu
Izikhathi sezashintsha, abantu sebeshuna isitambu ngezindlela eziningi sibe mnandi.
Nawe ungafunda futhi wengeze izithako ozithandayo.
Izithako:
Isitambu (esiphekiwe savuthwa)
Ubisi
ushizi
aromat
ama-herb
ama-mushroom noma ama-pepper
ibhotela
i-cheese sauce
Indlela yokwenza:
Epanini thosa ama-mushroom asikiwe noma ama-pepper akho ngebhotela bese ufaka i-aromat nama-herb. Faka lokhu esitambini sakho esivuthiwe bethe uthela ubisi (kala ngenkomishi sithambe kahle isitambu sakho). Eceleni bilisa amanzi ufake icheese sauce yakho ugoqoze bese uyifaka esitambini wengeze ngoshizi ogrethiwe. Bonda kuze kuthambe kahle bese uyakususa emlilweni.
Wena uhlome ngani kulo Khisimusi?
Sithumele umlayezo nezithombe zokudla ohlela ukukupheka kulo khisimusi ku-[email protected]