BEKUYINJABULO yodwa kuNksz Samkelisiwe Ngubane noNksz Nosibonelo Nombaba ngesikhathi bethweswa iziqu zezempilo e-I Must Graduate Academy, eJewish Centre, eThekwini. Babonge uthisha wabo uMnuz Mxolisi Hlophe ngokubasiza ukuze bafeze amaphupho abo Isithombe: SITHUNYELWE 
BEKUYINTOKOZO yodwa emndenini wakwaVezi eMpophomeni eHowick ngoMgqibelo kuhalaliselwa uMvuselelo othole iziqu zobuhlengikazi ophikweni lwe-DUT eMgungundlovu. Kusuka kwesokunxele nguyise uMnuz Sipho Vezi, u-Anelisiwe, u-Asanda nonina uNkk Ncamisile Vezi Isithombe: SITHUNYELWE
INHLOKO kanye nabasebenzi boMnyango weZemidlalo nobuCiko bebeyingxenye yeComrades Marathon. Lapha bebehlinzeka ngamanzi, izithelo, bebhucabhuca nabagijimi. Isiteshi sabo besiseNtshanga Isithombe: SITHUNYELWE 
BEKUKUHLE kudelile emshadweni obuseNdwedwe esigodini sakwaWosiyane, abebeshada uMnuz Nkosingiphile ‘Mtu’ Nzama obeshadelwa uNkz Mandy Khomo Isithombe: SITHUNYELWE 
UTHANDO luvutha amalangabi kuMnuz Thabani Khumalo obembesa uNksz Nondumiso Mhlongo. Umcimbi ubusekhaya KwaMaqumbi Isithombe: SITHUNYELWE 
U-ADVOCATE Fatima Khawula esemcimbini obuseNgonyameni ngempelasonto edlule Isithombe: NQOBILE MBONAMBI 
BAMVALELISE ngezipho nangemiyalezo ehlukene uSthembiso Ndlovu (ophakathi nendawo) abangani bakhe njengoba selusondele usuku lwakhe lomshado. Umcimbi wakhe weBridal Shower ubuseNdlangubo eMpangeni ngempelasonto. Isithombe: SITHUNYELWE
BAYIVALE ngomcimbi wokucobelelana ngolwazi lwamathuba amabhizinisi okuziphilisa inyanga yabo abesifazane baseNanda. Umcimbi ubuhlelwe inhlangano engenzi nzuzo iSesimiphi Isithombe: SITHUNYELWE 
UNKK Nelisiwe Sangweni (uMaShandu) oyinkosazana kaKhakhayi ofake okuluhlaza uhlulekile ukuzibamba wangena wasinisa udadewabo uNksz Nomkhosi Shandu obekhehlwa uMnuz Simphiwe Jali. Umcimbi ubukwaShandu kwaSanguye eMelmoth Isithombe: SITHUNYELWE
