Abahleli bendumezulu yomcimbi, iCape Town International Jazz Festival, baqinisekise izinhlelo zeRosie’s Stage kwavulwa nezindlela zokuthenga amathikithi.
Le khonsathi enkulukazi izoba seCape Town International Convention Centre izinsuku ezimbili ngo-Ephreli 25 nango-26.
Okuhluke ngeRosie’s Stage, wukuthi uthenga ithikithi lokubuka umculi ozobe ecula ngesikhathi esibhaliwe.
Amathikithi abiza uR30 umculi ngamunye ku-www.ticketmaster.co.za kuthi enkundleni abe ngu-R30.
Kulesi siteji ngoLwesihlanu ngomhla ka 25 kuzovula uLinda Sikhakhane ngo-7.15 ebusuku kuze kube u-8.30.
Kuzolandela uVictor Masondo ozobe ehamba noThembi Mtshali noBheki Khoza.
Kuzovala iPlurism ihamba noFeya Faku, Mthunzi Mvubu, Sisonke Xonti, Xaver Guegg noDominic Egli.
Ngkusasa kuzoba noNomfundo Xaluva, Mombay Lights Kyle Shepherd Trio ne-Igor Butman Quartet.
Abaculi abazonandisa esteji esikhulu ngosuku lokuqala kubalwa kubo uBlack Coffee noNduduzo Makhathini, Masego, Incognito, Kandace Springs, Ivan Mazuze, Tkzee, nabanye abaningi.
Ngakusasa kuyoboshelwa u-Ari Lennox, Thandiswa Mazwai, Lira, Bongeziwe Mabandla, Kelvon Momo, nabanye.
ICape Town International Jazz Festival yanonyaka izobe igubha iminyaka engu-22 yasungulwa.