BALOKHU bevungame njalo abantu ezinkundleni zokuxhumana kulandela ukunconywa kukaKelly Khumalo uBig Zulu ngempelasonto.
Abalandeli bomculo abaneme neze ngokunconywa kwekhono likaKelly nguBig Zulu. Akagcinanga nje ngokuncoma ekhasini lakhe lika Facebook nakuTwitter kodwa uphinde wanameka nesithombe sakhe uKelly ehlobe kahle ngobuhlalo waze washuqula nduku ekhanda. Lesi sithombe sihle siyaheha kodwa uma ungena kuso ubamba ongezansi ngendlela abantu abamchaza ngayo lomculi bexwayisa uBig Zulu ngokuthi angasondelani nale ntokazi ngoba uzozithola esenkingeni ngelinye ilanga. UBig Zulu ubengazange avule inkundla yokungcofa lomculi kodwa ukubeke kwacaca ukuthi ubabaza ikhono kuzakwabo kanti kuzoshintsha ukudla epletini.
“Yeyi ayi bafowethu, cha uyabona uyacula ngempela uMaKhumalo umnandi ngempela ushumi kasisi Kelly Khumalo. Ngiyabonga,” kuloba uBig Zulu.
Yiwona lawa mazwi asuze esinamathambo abantu bethi uBig Zulu uncoma umuntu ongafanele ukunconywa. Noma iningi lithol e ithuba lokutinyela uKelly, bakhona abavumelane noBig Zulu bemncoma ngephimbo nangobuhle bakhe.
Big Zulu your days are numbered mft😥 aw shwele nkosi pic.twitter.com/TavwrbeVnw
— #PutSouthAfricaFirst🇿![CDATA[]]>🇦 (@lukhanyombilin) April 10, 2021
Uyaphi lapho ?
— Kepisi mbuyazi wasehluhluwe (@KEhluhluwe) April 10, 2021
Siyakukhuza njalo lalela pic.twitter.com/hpqxpYBZm7
Ushaya into eclean futhi uyabhala akavele nje acule uqhamuka nama hit wodwa
— Eish San_clothing (@EishSan) April 10, 2021
Awu ngeke nkabi akaculele kude siyabonga
— INKABI (@ZamakahleM) April 10, 2021
UBig Zulu muva nje umatasa upheka i-albhamu yakhe, kanti ezinkundleni zokuxhumana usanda kufaka isithombe namaciko okubalwa kuwo uSamthing Soweto eqopha nawo.
Iculo lakhe lakamuva Inhlupheko selibukwe izikhawu ezingaphezulu kuka-1 million kuYouTube.