Ziqalile izinhlelo zokuthi kulethwe eNingizimu Afrika isilomo somrepha uDrake ukuthi sizonandisa ngonyaka ozayo.
Izinhlelo zenziwa nguGegory Wings oyisikhulu seBlue Screen Entertainment. UGregory uke waba nesandla ekuhlelweni kwekhonsathi kaBurna Boy eyayizoba seFNB Stadium, eGoli, nyakenye neyahoxiswa ngomzuzu wokugcina.
UGregory esitatimendeni uthe wayengene njengomtshalizimali ekhonsathini kaBurna Boy.
Uthe ngemuva kwalezo zingqinamba bazimisele ukuveza amagalelo abo kwezamabhizinisi kuleli nabangakwenza.
“Umcimbi ozayo uzoxhaswa yiBlue Screen Entertainment nokuwubufakazi bokuzibophezela kwethu ekuletheleni abantu into esezingeni eliphezulu,” kusho uGregory.
Uthe bazimisele ngokwenza isiqiniseko soikuthi umcimbi kaDrake uhamba kahle futhi bazosebenzisana nosomabhizinisi bakuleli kanjalo namaciko.
Uthe eminye imininingwane bazoyimemezela ngokuhamba kwesikhathi.
UDrake wumrepha waseCanada odume ngezingoma okubalwa kuzo iGod’s Plan, One Dance, nezinye.