PHAMBILINI osopolitiki bamaqembu ehlukene bebaziwa ngokungabhekani, nokwadlula nemiphefumulo eminingi ikakhulu yabantu abamnyama. Empeleni kwakungekho ukubekezelelana kwezeplitiki.
Kuthuse abantu abaningi ukuzwa umholi wePatriotic Alliance, uMnuz Gayton McKenzie eshayela ihlombe imbangi yakhe uMnuz Julius Malema, ongumholi we-EFF ngokushaya into ecokeme emcimbini wokugubha iminyaka eyishumi kwasungulwa inhlangano yakhe.
“Noma ngabe uyamthanda noma uyamzonda uMalema, kodwa iqiniso nje lithi beliphezulu izinga lomcimbi wakhe. Udinga ukushayelwa izandla noma uvele uvale umlomo, uyenzile into yakhe!” kusho uMcKenzie, obe esefaka khona isithombe sikaMalema sodumo.
Kwenzeka lokhu nje, uMalema uma ekhuluma ngabaholi bePatriotic Alliance uvele ababize ngamabhantinti.