SIPHUMELELE isicelo sikaNdunankulu wase-Eastern Cape, uMnuz Oscar Mabuyane, sokuvimba uphenyo lwe-Special Investigating Unit (SIU) olumayelana neziqu zakhe.
UMabuyane wanikela enkantolo emva kokuthi iSIU iqale uphenyo mayelana nokuthi uMabuyane nabanye bavunyelwa ukuba benze izifundo zeMasters eNyuvesi yaseFort Hare ekubeni bengenazo iziqu zeHonours okuyizona ezikucabela indlela yokuthi wenze iMasters.
NgoLwesibili inkantolo igunyaze isivimbelo esinqanda iSIU ukuthi iphenye ngokuvunyelwa kukaMabuyane ukuthi enze iziqu zeMasters.
Uphenyo lweSIU lwaqala emva kokuthi uMengameli Cyril Ramaphosa, esayine umthetho ogunyaza lolu phenyo.
Uphenyo lweSIU selumdalele ingcindezi uMabuyane njengoba sekunamaqembu abesephakamisa ukuthi ashenxe esikhundleni.
