UNGQONGQOSHE wezokuVakasha ezweni uhlakaze ibhodi lomnyango ngemva kwemibiko ngesiphakamiso sokuxhasa iqembu lebhola laphesheya ngoR1 billion.
UNgqongqoshe wezokuVakasha uNkk Patricia de Lille, unqume ukuhlakaza ibhodi ngenxa yezinsolo ezibucayi ezibekwe lona mayelana nodaba lokuxhasa iTottenham Hotspur.
Amalungu ayisishiyagalombili kwakhu-11, kuleli bhodi asulile ekuqaleni kwenyanga.
Yize kunjalo, unikeze ibhodi umnqamlajuqu wangoLwesibili oluzayo ukuba liziphendulele ngokuthi kungani lingafanelwe ukuhlakazwa.
Incwadi yokuhlakazwa kwalo izokhangiswa ngoLwesihlanu futhi kuzokwethula ibhodi lesikhashana elinamalungu amathathu elizobhekana nezindaba zezokuvakasha kuleli.