OWAYEYISIKHULU seBosasa uMnuz Angelo Agrizzi, uzovela okokuqala eNkantolo eNkulu ePitoli ngecala lenkohlakalo ka-R800 000. U-Agrizzi owaduma kakhulu ngokuchakida abantu ngenkohlakalo, uyalelwe ukuthi avele eNkantolo eNkulu ngoFebhruwari 29.
U-Agrizzi waboshwa ngo-2020, emuva kokuthi kuvele izinsolo zokuthi wanika owayeyilungu lePhalamende uMnuz Vincent Smith, uR800 000. USmith owayemele i-ANC ePhalamende naye waboshwa uhamba icala lenkohlakalo.
IBosasa isolwa ngokugwazela amathenda kahulumeni kanti u-Agrizzi wayebabiza ngamagama abantu abanika imali. Phambilini abezokushushisa baveza ukuthi u-Agrizzi uyohlolwa ingqondo.
Kulindeleke ukuthi uma esevela eNkantolo eNkulu ePitoli, kwethulwe umbiko wokuhlolwa kwengqondo ovela kodokotela eWeskoppies.
U-Agrizzi ubhekene nelinye icala lenkohlakalo ka-R 1.8 billion nalo alihambayo.