KUHLEHLISIWE ukuvalwa kwesiphehlimazi esisenyakatho yeTheku obekuhlelelwe ukuthi kuqale ngoLwesibili kuze kube uLwesithathu.
UMasipala weTheku ubumemezele ukuthi lesi siphehlimanzi sizovalwa ukuze kulungiswe ama-valva amanzi abengalungisiwe okuholela ekutheni imiphakathi ehlala ezindaweni ezisenyakatho yeTheku inqanyukelwe amanzi.
UNkk Gugu Sisilana uthe lokhu kuvalwa kwamanzi kuhlehlisiwe ngakho-ke umphakathi uzokwaziswa ngosuku okuyilona-lona azolungiswa ngaso. Akachazanga ukuthi kwenziwe yini ukuthi lokhu kuvalwa kwamanzi obekuzothinta izindawo ezifana neNanda, Ntuzuma, uMhlanga, Newlands East, Springfield Durban North, Phoenix neVerulam, kuhlehlisiwe.
“Siyacela ukuthi umphakathi usebenzise amanzi ngendlela enokuwonga,” kusho uNkk Sisilana.