SIKHULU isililo ngokudlula emhlabeni isigubhukane kukaPearl Shongwe, obengumfundi wezindaba kuMetro FM nomethuli wezinhlelo zethelevishini.
Umphathi weMetro FM, uKina Nhlengethwa, uqinisekise ukushona kukaPearl (35) ngoLwesibili ebusuku.
Umethuli wohlelo lwezemidlalo u-Andile Ncube ekhuluma nowethula olwezingxoxo u-Ayabonga Cawe, uthe abalaleli bazozwa ukuthi umoya wabo uphansi.
Ufake emoyeni uKina, othe yinto ebashaqisile abebengayilindele.
“Sithole manje ntambama ngayo yonke into. Baqinisekisile (umndeni) ukuthi akasekho. Kusasa sizovakashela umndeni,” kusho uKina.
“Kunzima bafowethu. Ngithi dudu emndenini, dudu ethimbeni leMetro FM nakuyo yonke iSABC. Kulesi sikhathi sengathi singaqina, futhi uNkulunkulu unathi.”
Ekhasini likaTwitter lesiteshi sezindaba iSAfm bathe kukholakala ukuthi ushonele emzini wakhe osePolofields enhla neGoli, ngoLwesibili ntambama.
The SABC's Metro FM news presenter Pearl Shongwe has passed away. It's understood she died at her Polo Fields home north of Johannesburg. #sabcnews
— SAfm news (@SAfmnews) November 8, 2022
Kuthiwa isidumbu sakhe sitholwe singenawo amanxeba, sisembhedeni emzini wakhe.
Umufi ushona nje ubekade ewumfundi wezindaba ohlelweni iTouchdown withTbo Touch ngo-3 kuya ku-6 ntambama phakathi nesonto kwiMetro FM.
Abantu abaningi banikele ezinkundleni zokuxhumana badlulisa amazwi enduduzo bazwakalisa nokushaqeka ngokudlula kwakhe emhlabeni.
Abantu bancome ithalente nobuciko abenabo uma ethula izinhlelo noma efunda izindaba.
South African Radio has lost a great young talent. RIP Pearl Shongwe thank you for sharing your gift with the rest of the county… the broadcasting industry has suffered a great loss 🙏![CDATA[]]>🏾![CDATA[]]>🕊️ love and light to the @METROFMSA family 🙌![CDATA[]]>🏾
— Heazy the Radio Guy😏 (@HeazySA) November 8, 2022
#RestInPeacePearlShongwe#RestInPeacePearl
— Tumi Sole (@tumisole) November 8, 2022
Rest in Perfect Peace @Pearl_Shongwe
💔![CDATA[]]>💔![CDATA[]]>💔 pic.twitter.com/UsTJsTCKQs
Sleep well friend . Lovely soul . Always smiling . Always positive . Great human . Love always . ❤️ Rest now Pearlito . pic.twitter.com/MpaBuy7XRe
— Solomzi Thandubuntu (@Solphendukaa) November 8, 2022