ABAVUKUZI abangekho semthethweni abavumbuke emgodini eSabie, eMpumalanga, bathi kusasele abangaphezu kuka-100 emathunjini omhlaba.
UKhomishana wamaPhoyisa kuzwelonke, uGeneral Fannie Masemola, uhambele kule ndawo ngoLwesine, ukuyohlola ukuqhubeka komkhankaso wamaphoyisa i-Operation Vala Umgodi.
“Ngokwalabo asebevumbukile abangu-16, kusasele abanye abangaphezu kuka-100 abangekho semthethweni emathunjini omhlaba,” kusho uMasemola.
Uthe bazobhekana namacala athinta ukuvukuza ngokungemthetho nokuphula awokuba kuleli ngokungemthetho.
Uncome amaphoyisa ngesivinini aqhuba ngaso lo mkhankaso.
“Uyancomeka umsebenzi owenziwa ngabezimo eziphuthumayo boMnyango wezeMpilo, uMnyango wezaseKhaya nabanye esisebenza nabo eduze okuhlanganisa izinkampani ezizimele. Kumele sikusho ukuthi kudingeka ezinye izinsiza ezithe xaxa ukukhipha abanye abavukuzi abangekho semthethweni. Njengamanje sibheka ukuthi yikuphi esingakweznza nokuthi yiziphi izinsiza ezidingekayo ukuhlenga impilo,” usho kanje.