WONKE amabombo kubathandi bobumnandi abheke kwiLast Dance Music Festival eseRoyal Showgrounds eMgungundlovu kusukela ngabo-4 ntambama kuze kuyolamula ukusa ngakusasa.
Kule ndumezulu yomcimbi eqeda iminyaka ewu-15 yasungulwa, kuzobe kunandisa uMthandeni SK, Mawhoo, Sjava, Zee Nxumalo, Dlala Thukzin, Usimamane, Aymos, Blaq Major, Khuzani, Focalistic, Ayanda Ntanzi, Ugatsheni, DJ Happy Gal, Goldmax, Babes Wodumo, Dura, Stibobo, Cheese, Lucy Ly, Vince Da Major, Nkanyiso, T-Munny, Luvandi, Mycpo, CatC, Da Soul nabanye. Uhlelo luzobe luphethwe yizilomo zodwa, okubalwa kuzo oSiphesihle Vazi, Zanele Potelwa, Mroza, Njinji, Luyanda M noJustice Kubheka.
Abazobe bexinekile emakhaya ngeke basale ngaphandle ngoba isiteshi sethelevishini iSABC 1 noKhozi FM bazobe bekuthatha bekubeka kusukela ngo-9 ebusuku ngokuzobe kuqhubeka kulo mcimbi.
Umsunguli futhi ongumgqugquzeli weLast Dance Music Festival, uSipho Ndaba weMbawula Investments, uthe konke sekumi ngomumo, sebelindele izinkumbi zabantu bakuleli ukuba zitheleke ngobuningi zizozibonela ngokwazo kumenyezelwa ingoma ezohlukanisa unyaka.
Uthe okumjabulisa kakhulu ngalo mcimbi ukuthi awugcini ngokujabulisa abantu kodwa ubuye udale amathuba emisebenzi futhi ufukule umnotho wakuMasipala waseMsunduzi nowaseMgungundlovu.
Amathikithi oquqaba abiza uR200 bese kuthi awezicukuthwane abize uR700, amaCoolerbox angena ngoR100. Amathikithi atholakala eTicketPro nasezitolo zakwaSpar.
Ama-gazebo namabhodlela engilazi awadingeki kodwa kungena kuphela amabhodlela eplastiki namakani.
Nansi eminye imicimbi ezobe yenzeka namhlanje:
*Ziyenzeka kwiGumba Fest eMhlathuze Sports Complex eRichards Bay kusukela ngo-1 emini. Kuzobe kunandisa DJ Tira, Mthandeni SK, Jumbo, Goldmax, Limit, Qhosha, Sgwebo Sentambo, DJ Amenisto nabanye. Uhlelo luzobe luphethwe wuKhaya Dladla , Sizwe Mdlalose, uKini Shandu noSya Nzima. Yize kungenwa mahhala esangweni kodwa ama-coolerbox angena ngoR150.
*Ziyahephena kwiKZN Year -End Music Experience eWembezi Stadium, e-Estcourt kusukela ngo-10 ekuseni. Kuzobe kunandisa oDladla Mshunqisi, Sizwe Mdlalose, Ms Level, Qwabe Twins, Sosha, DJ Tira, DJ Cndo, Mawhoo, DJ Hlo, DJ Bongz, Ayanda Ntanzi, Thobekile, Sgwili Zuma, DJ Sox, Sparks Bantwana, DJ Kotini, Limit, Gatsheni, Thandanani, Mjolisi, Jaiva Zimnike, Khuzani, Mzukulu, Inkosi Yamagcokama, Menzi, Sminofu, Gcabashe, Sgabiso, Penny Ntuli, Felix Hlophe, Nolwazi Machi, Tshatha Ngobe nabanye. Kungenwa mahhala.
*Ziyaduma kwiDr Ricardo Mthembu Annual Festival eBlythedale Beach, KwaDukuza kusukela ngo-10 ekuseni. Kuzobe kunandisa uMthandeni SK, Jumbo, BigNUZ, DJ Merlon, TNS, Bhar, DJ Bongz, DJ Kotin, DJ Cndo, DJ Nzwiri, Naima Kay, Tzozo, Lungelo, DJ Sox, DJ Masiya, DJ Mpilo, DJ Nono, DJ Mnqobi, Mondli Ngcobo nabanye. Uhlelo luzobe luphethwe wuDJ Oros noKelvinator.
*KwiFact Durban Rocks kuzogujwa ukuphela kweminyaka ewu-30 kwaba nentando yabantu kuleli ePeople’s Park eThekwini kusukela ngo-5 ntambama. Kuzobe kunandisa uDJ Tira, TKZee, Professor, Mawhoo, Big Zulu, Dlala Thukzin, Mthandeni SK Khuzani, Usimamane, Duncan & Zakwe, Q Twins, Lwah Ndlunkulu, Musa Keys, Goldmax, Blxckie, Sphectaculr and Naves, Glen Lewis, Vinny Da Vinci, DJ Christos, Mimi Kesaris, DJ Bongz, Durban’s Finest, King Sifiso, Mbali Ngidi, Felix Hlophe, Sizwe Mdlalose, AmaTycooler nabanye.
*E-Aloe Lifestyle Hotel, eShowe kuneNew Year’s Eve okuzobe kunandisa kuyo uMthandeni SK noMawhoo. Amathikithi atholakala ngoR250 esangweni.
*Ziyaphohloka kwiMzukulu and Friends eMzi’s Lifestyle eDannhauser. Kuzobe kunandisa uMzukulu, Limit, Falabo, Imfezemnyama, Njoko nabanye. Kungenwa ngoR50 nangoR200.
KUSASA
*Ziyawa kwi-2nd Nagle Dam New Year Music Festival, eNagle Dam eMkhambathini kusukela ngo-10 ekuseni. Kuzobe kunandisa uDJ Tira, Mthandeni SK, Babes Wodumo, DJ Kotini, Sgwili , Andile KaMajola, Shon G, Bhar, Menzi Biyela, Sparks Bantwana, Sosha, Calvinator, Baba Wethu, Bulistic, DJ Oros, Kullerbox, Kapteni, DJ Dust, Thembinkosi Thwala, Phunyuka ,Flaimotion , Swazi Mokoena, Nocky Mabika nomzimba KaJehova. Amathikithi atholakala eTicketPro nasezitolo zakwaSpar ngoR100 nango-R150.
*Ziyamporoma kwiNew Year’s Bang e-Eve’s Lounge eHibberdene kusukela ngo-8 ebusuku. Kuzobe kunandisa iWoodblock DJs, DJ Lindani, DJ North, Thakzin RSA, Preezy Majola nabanye. Kungenwa ngoR30 kuya kuR100.
NGOMGQIBELO
*Ziyabuya kwiMthandeni Summer Experience eMkhaliphi Stadium, eMdletsheni kusukela ngo-11 ekuseni. Kuzobe kunandisa uDJ tira, Mawhoo, Nomcebo Zikode, Sjava, DJ Boonu, BigNUZ, Duncan, TNS, Dladla Mshunqisi, Jaiva Zimnike,Mbuzeni, Songqongqo, Sminofu, Omacekeceke, Imfezemnyama, Gadla, Sgwebo, Shwi, Mdumazi, Ithwasa Lekhansela, Mkhathazi, Mzukulu, Dumakahle, Saliwa, Gqizile, Gatsheni, Ibhova Elincane, Mjikijeli, Mzukulu KaShafuza, Khuthaza, Ntencane, Bahubhe, DSD, Thinah Zungu, Njabulo Langa nabanye. Amathikithi abiza uR100 noR500 eTicketPro,Spar,Jet,Engen nakwa-Edgars.
*Ziyaduma kwiThe Mansion Experience Beach Fest/All White eZulu Beach. Kuzobe kunandisa uRussel Zuma, Fistaz, DJ Cndo, Mpilo, Collen Zondo, Nzwiri, Pzet Trapezium, Masiya, Mphiloz, Ndorra, Cshebo nabanye. Amathikithi abiza uR200 eComputicket.