KUDIDEKE abaningi kuvela incwadi efakwe enkantolo ngomhla ka-13 Juni 2022 ebonisa ukuthi omunye wabesimame owayesohlwini lwabasola umculi uRobert Kelly ngokumnukubeza useyingoduso yakhe.
Ngokubika kwabe-E!News bathi bayibonile incwadi kaJoycelyn Savage lapho eveza khona ukuthi yena noR Kelly bathembisene umshado.
Incwadi yahanjiswa ngabameli bakhe umculi ngaphambi kokugwetshwa kwakhe.
“Igama lami nginguJoycelyn Savage futhi ngiyingoduso kaRobert Kelly. Ngibhala le ncwadi ngibonisa ukumeseka kwami njengoba ezogwetshwa. Ngaleyo ndlela ngichaza ukuthi angiyena umgilwa njengokusho kombuso,” kusho incwadi ebhalwe yintokazi engumculi.
Incwadi ichaze ubudlelwane obuhle bayo intokazi nomculi osegwetshwe imiyaka engu-30.