KUSINDA kwehlela kwabaqokwe emnxeni weMotsepe Foundation Record of the Year nakwiRisa/RAV Music Video of the Year kuma-30th South African Music Awards ngoba sekusele izingoma eziwu-10 emkhakheni ngamunye.
Ngo-Agasti bekudlana imilala izingoma ezingu-20, emuva kwamavoti abalandeli, sekusele eziwu-10, okuzophuma kuzo ezizodla umhlanganiso emunxeni ngamunye.
Esezisele kwiMotsepe Foundation Record of the Year wuMbayimbayi weNkabi Zezwe (Sjava noBig Zulu), iParis kaMthandeni SK, Izenzo kaBassie no-Aymos, Hamba Juba yeMarumba Pitch, Lady Amar, JL SA noCici, iGangnam Style kaMas Musiq noDaliwonga, Imithandazo kaKabza De Small noMthunzi, iPlan kaZaba, Sykes noDlala Thukzin, iMasithokoze ka-Eemoh noDJ Stokie, iWater kaTyla, neThula Nana kaKabza De Small noDJ Maphorisa.
KwiRiSA/RAV Music Video of the Year kuqhudelana iLemons (Lemonade) ka-AKA noNasty C, Sosh Plata Remix kaLoatinover Pounds, iWater kaTyla, i-Awukhuzeki kaDJ Stokie, iHamba Juba, iPlan, iKulula kaMawhoo, DJ Maphorisa noKabza De Small, iSgudi Snyc kaDe Mthuda, Da Musiqal Chef no-Eemoh, iRonda kaBlckie neNgiyeza kaLwah Ndlunkulu.
Abadle umhlanganiso kulo mqhudelwano wezindondo bazomenyezelwa emcimbini ngoNovemba 2, eGallagher Convention Centre, eMidrand, eGauteng.
