SITHEMBISO MKHIZE
KUSHAQEKE wonke umuntu kwiMamelodi Sundowns, uSteve Komphela evumbuka kwiSwallows njengenhloko yabaqeqeshi.
Usuku lwangeSonto lushaqise abaningi luqalwa ngokuvela kwezindaba zokushiya kukaKomphela obeyiphini likaRhulani Mokwena oyinhloko yabaqeqeshi. Uthathe isikhundla sokucija iSwallows. Kubikwe ukuthi uzosizwa ngMusa Nyematha ofake iZinyoni kwi-top 8 ngesizini eyedlule.
kwiSundowns uKomphela ubebuye asizane noManqoba Mgqithi naye okuke kwavela ujuthi angase ahambe eChlorkoop.
Ekuseni izolo iSundowns ikhiphe isitatimende lapho ibiqinisekisa ukuhamba kukaKomphela yaphinde yamfisela inhlanhla.
"IMamelodi Sundowns ithanda ukubongela uSteve Komphela ngokuqokwa njengomqeqeshi weSwallows."
Usihlalo weqembu uTlhopie Motsepe, uthe usebenzele iSundonws ngokuzimisela Uthe uzohlale eyilungu lo mndeni weSundowns.
Lesi sitatimende sidalule nokuthi ezinsukwini ezimbalwa ezizayo iqembu lizowenzela eRusternbug amalungiselelo esizini ka-2023/24.