UNQATSHELWE ibheyili umshayeli weloli eladala inhlekelele kuN2 oPhongolo ngonyaka odlule.
USibusiso Siyaya uvele phambi kwemantshi yasoPhongolo izolo lapho kulalelwe khona isicelo sakhe sebheyili.
USiyaya ubhekene namacala angu-20 okubulala ngokungenhloso engozini eyenzeka ngesikhathi iloli abelishayela lishayisa iveni eyayithwele izingane zesikole ngoSepthemba ngonyaka odlule.
“Umbuso ukwazile ukunxusa inkantolo ukuba uSiyaya enganikezwa ibheyili ngoba angahle abaleke, ngaleyo ndlella kufanele ahlale esitokisini kuze kuqulwe icala lakhe,” kusho okhulumela iNPA KwaZulu-Natal.
Icala lakhe lihlehliselwe umhla ka-17 Febhruwari njengoba kusaqhubeka uphenyo.