IZUNGEZA ezinkundleni zokuxhumana i-video ebonisa iphoyisa eliqhuba imbuzi enkundleni yezemidlalo.
Leli phoyisa beligqoke inyunifomu yomsebenzi lidansa, libonakala ukuthi alikwazi nokuma liqonde ngaphambi komdlalo we-Orlando Pirates neMamelodi Sundowns ngoMgqibelo ntambama.
Lizoqondiswa ubugwegwe leli phoyisa ebelidansa enkundleni yezemidlalo e-Orlando ngoMgqibelo libudlonyile. 🎥Ithunyelwe pic.twitter.com/tSUct2kFgu
— Isolezwe Newspaper (@IsolezweNews) October 3, 2022
Amaphoyisa akhiphe isitatimende ngemuva kokubonakala kwale video esithi lokhu okwenziwe yileli phoyisa akuhambisana nemithetho yokuziphatha kwamaphoyisa.
Uphenyo lokuqala luveze ukuthi leli phoyisa elisebenzela uphiko lweRapid Railway Unit.
“Iphoyisa lingene emsebenzini ngoMgqibelo ekuseni lidakiwe. Umphathi wambhala njengomuntu ongekho emsebenzini ngenxa yesimo sakhe,” kusho isitatimende samaphoyisa.
Kuthiwa wasuka lapho waziyela yena enkundleni yezemidlalo e-Orlando njengoba ebonakala edansa khona.