KUBE nenkulu injabulo ngesikhathi kwehla uphethroli ezinyangeni ezimbalwa ezedlule. Namhlanje ebusuku abanikazi kanjalo nabashayeli bezimoto bazokube bekhala bezithulise njengoba kulindeleke ukuthi uphinde wenyuke futhi uphethroli.
Lesi simemezelo sokunyuka kukaphethroli sikhishwe wuMnyango wezaMandla nezokuMbiwa. Uveze ukuthi nodizili uzokwenyuka nawo njengoba kuqala inyanga yabesifazane, u-Agasti.
Uphethroli uzonyuka ngoR37 cents kuthi udizili unyuke ngo-71 cents. Lokhu kusho ukuthi ilitha likaphethroli lizokuba uR22.11 cents kanti inani likadizili lizokuba uR19.82 cents
