KULINDELEKE ukuthi ihanjelwe nangabazalwane bakwamnye amabandla inkonzo enkulu yebandla Isibusiso Ibandla leNkosi elizobe lamukela abazalwane beFaith in Christ Church in Zion ngeSonto eMankayane, eSwatini.
Umholi webandla, Isibusiso Ibandla leNkosi, uMbhishobhi Phumlani Dlamini uthe bajabule kakhulu ngokujoyinwa ngabazalwane baleli bandla.
"Kuyasijabulisa kakhulu ukuthi sesijoyinwa ngabazalwane beFaith in Christ Church in Zion. Lokhu kusho lukhulu kithina sonke,'' usho kanjena.
Kube nezingxoxo ezijulile phakathi kwakhe nomholi webandla iFaith uMbhishobhi Thulani Mabuza.
"Kuyangijabulisa kakhulu ukuthi konke kuhambe kahle kwavunyelwana ngezinto eziningi yingakho nje manje sesizoba nalolu hlobo lwenkonzo yokubamukela,'' usho kanjena.
Angu-7 esewonke amagatsha eFaith Church in Christ azongena ebandleni Isibusiso Ibandla leNkosi.
UMbhishobhi Mabuza uthe kuthele izithelo ezinhle kakhulu ukukhulumisana noDlamini mayelana nalolu hambo okuyikhona okugcine sekuholela ekutheni kuvunyelwane.