Kudideke abezicishamlilo befika ebhilidini lisha bathola ukuthi kunemijondolo eyakhiwe ngaphakathi ehlukanisa omakhelwane.
Lokhu kwenzeke ekuseni ngoMgqibelo ngesikhathi ithimba labezimo eziphuthumayo kumasipala waseGoli bebizelwe ekhoneni likaKerk noGoud enkabeni yedolobha ngemibiko yokusha.
Yize singakaqinisekiswa isibalo sabalimele, ngenhlanhla ayikho imibiko yabashonile.
UNana Radebe-Kgiba, okhulumela abezimo eziphuthumayo kulo masipala uthe ithimba lezicishamlilo lifike endaweni yesigameko lathola ukuthi kusha imijondolo engaphakathi ebhilidini lamafulethi.
“Ibalelwa ku-20 imijondolo eshile, futhi uyedwa umuntu ophuthunyiswe esibhedlela esesimeni esibucayi,” kusho yena.